Chahal-Dhanashree Post: వైరల్ అవుతున్న చాహల్ - ధనశ్రీ పోస్ట్...!
Chahal-Dhanashree Post: వైరల్ అవుతున్న చాహల్ - ధనశ్రీ పోస్ట్...! 15 h ago
భారత స్టార్ స్పిన్నర్ యుజ్వేంద్ర చాహల్ - ధనశ్రీ వర్మ విడాకులకు సిద్ధమవుతున్నారంటూ కొంతకాలంగా ఊహాగానాలు వినిపిస్తున్న సంగతి తెలిసిందే. ఈనేపథ్యంలో ధనశ్రీ పెట్టిన తాజా పోస్ట్ వైరల్ గా మారింది. కొన్ని రోజులుగా మీడియాలో వస్తోన్న వార్తల వల్ల తాను మానసిక వేదనకు గురవుతున్నట్లు ఆమె ఆవేదన వ్యక్తం చేశారు.
"కొన్ని రోజులుగా నేను, నా కుటుంబం కఠినమైన పరిస్థితులను ఎదుర్కొంటున్నాం. నిజానిజాలు తెలుసుకోకుండా అవాస్తవాలు రాస్తున్నారు. నాపై ద్వేషం కలిగేలా ట్రోల్స్ చేస్తున్నారు. ఈ విషయం నన్ను నిజంగా బాధిస్తోంది. నేను ఈ స్థాయికి రావడానికి ఎన్నో ఏళ్లుగా కష్టపడుతున్నాను. నేను మౌనంగా ఉంటున్నానంటే దాని అర్థం బలహీనంగా ఉన్నట్లు కాదు. సోషల్ మీడియాలో ప్రతికూలత ఉన్నప్పటికీ ఇతరులపై కరుణ చూపాలంటే ధైర్యం అవసరం. నేను వాస్తవ పరిస్థితులను దృష్టిలో పెట్టుకొని విలువలతో ముందుకుసాగాలనుకుంటున్నా. నిజం ఎప్పటికైనా విజయం సాధిస్తుంది. దాన్ని సమర్థించుకోవాల్సిన అవసరం లేదు" అని ఇన్‌స్టాలో పోస్ట్ పెట్టారు. ప్రస్తుతం ధనశ్రీ పోస్ట్ వైరల్ అవుతోంది.
